मकवानपुरमा राष्ट्रिय परिचयपत्र विवरण संकलन कार्य स्थगित

मकवानपुर । मकवानपुरमा राष्ट्रिय परिचयपत्र विवरण संकलन गर्ने कार्य स्थगित गरिएको छ । चट्याङका कारण मेशिनहरु बिग्रीएकोले अर्को सूचना जारी नभएसम्मका लागि उक्त कार्य स्थगित गरिएको जिल्ला प्रशासन कार्यालय मकवानपुरले जनाएको छ ।

कार्यायलले बिहीबार एक सूचना जारी गरी सो बारे जानकारी गराएको हो । जारी सूचनामा गएराति वर्षासँगै आएको चट्याङका कारण जिल्ला प्रशासन कार्यालयमा रहेको राष्ट्रिय परिचयपत्र दर्ता स्टेशनको समेतका मेशिनहरु बिग्रीएकोले अर्को सूचना जारी नभएसम्मका लागि उक्त कार्य स्थगित गरिएको उल्लेख छ ।