पहिरोसँगै आएको ढुंगाले लागेर एक जनाको मृत्यु

सिन्धुपाल्चोक । सिन्धुपाल्चोकको त्रिपुरान्दरी गाउँपालिका–४ बुसुन्डोलमा खोला तर्ने क्रममा पहिरोसँगै आएको ढुंगाले लागेर एक जनाको मृत्यु भएको छ । मृत्यु हुनेमा स्थानीय अमित थामी रहेको प्रहरीले जनाएको छ ।

प्रहरीका अनुसार, मामाघरबाट तीज मनाएर आमा र बहिनीका साथमा फर्किंदै गरेका थामीको खोला तर्ने क्रममा पहिरोसँगै आएको ढुङ्गाले लागेर मृत्यु भएको हो । उनकी आमा र बहिनी भने सकुशल रहेका छन् ।