युवा समाज हेटौंडाको आयोजनामा एक दिने नेतृत्व विकास तालिम

मकवानपुर । हेटौंडामा एक दिने नेतृत्व विकास तालिमको आयोजना भएको छ । सहयोगी युवा समाज हेटौंडाको आयोजनामा शुक्रबार उक्त तालिमको आयोजना गरिएको हो ।

तालिम संस्थाकी अध्यक्ष शान्ति स्याङ्बोको सभाध्यक्षता एवम् हेटौंडा उपमहानगरपालिकाका प्रवक्ता सबिन न्यौपानेको प्रमुख आतिथ्यता भएको हो ।

तालिममा कानूनी रुपमा युवाहरु नेतृत्व गर्दै अगाडि बढदै जाँदा आर्थिक अपचलन, यौन दुर्ब्यसन, लागूऔषध जस्ता जनधन्य अपरधामा फस्ने संभावना र त्यसको न्यूनिकरणको विषयमा अधिवक्ता अमृत कुमार लामा र प्रशिक्षक मिरा स्याङतानले प्रशिक्षण दिएका थिए ।

संस्थाका कार्यक्रम संयोजक सानु कान्छा दोङ्ले संचालन गरेको तालिममा संस्थाका संरक्षण हर्करत्न लामाले संस्थाको योजना, कार्यक्रमको उद्देश्य बारेमा जानकारी गर्दै स्वागत मनतव्य व्यक्त गरेका थिए ।