कार्कीको च्यानाकुटी झ्याँई सार्वजनिक

बारा । मोफसलमा रहेर पनि लामो समयदेखि गीत संगितमा सक्रिय गायक देवेन्द्र कार्कीको च्यानाकुटी झ्याँई सार्वजनिक भएको छ । प्रविन सनतको शब्द तथा विकास पाण्डेको संगीत रहेको गीतको भिडियोलाई सुवास गहतराजले निर्देशन गरेका हुन् ।

हेटौडा आसपासको क्षेत्रमा छायांकन गरिएको गीतको भिडियोमा विशाल श्रेष्ठ, अञ्जली रसाईली, विश्वास लगायतकाको अभिनय रहेको छ ।
फराज अर्पनको क्यामेरा तथा सम्पादन रहेको गीतको भिडियोमा सुदिप चौधरीको कोरियोग्राफी रहेको छ ।

२०५७ सालदेखि विद्यालय जीवनबाटै गायन यात्रा सुरु गरेका कार्कीले हालसम्म दर्जनौँ गीतमा आवाज भरेका छन् ।

यसअघि उनले गाडी छुट्यो सानु हेटौंडा, निस्ठुरी माया, झिमझिम झिक्काई, ए सरकार २, लगायत बोलका गीत गाएका छन् ।
कार्की पोखरामा आयोजित गोल्डेन आइडल सिजन थ्रिका उप–विजेता हुन् ।