कांग्रेस हेटौंडा–१५ को आयोजनामा शुभकामना आदानप्रदान

मकवानपुर । नेपाली कांग्रेस हेटौंडा उपमहानगरपालिका वडा नम्वर १५ ले शुक्रबार विजया दशमी, शुभ दिपावली एवम् छठ पर्वको अवसरमा शुभकामना आदानप्रदान तथा चियापान कार्यक्रमको आयोजना गरेको छ ।

कार्यक्रम कांग्रेस हेटौंडा–१५ का सभापति नवराज घलानको सभाध्यक्षता एवम् कांग्रेस मकवानपुरका सचिव भिमसेन महतको प्रमुख आतिथ्यतामा भएको हो ।

कार्यक्रममा प्रमुख अतिथि महतले शुभकामना दिँदै अहिले चाडपर्वको नाममा विभिन्न खालको विकृतका घटनाहरु हुने गरेको पाइएको बताउँदै यस पर्वलाई विकृति भन्दा पनि संस्कृति जोगाउने गरेर मनाउन सबैलाई आग्रह गरे ।

यस्तै, सभाध्यक्ष घलानले नेपाली कांग्रेसले सबै जातजाति, भाषा धर्मका साथै सबै पर्वलाई समेट्ने बताए । कांग्रेस हेटौंडाका सभापति उत्सव इटेनीको विशेष आतिथ्यतामा भएको कार्यक्रममा कांग्रेस हेटौंडा–१५ का इकाई सदस्य मिनबहादुर घलानले मनबहादुर घलानले स्वागत मनतव्य व्यक्त गरेका थिए ।

कार्यक्रममा हेटौंडा–७ का वडाध्यक्ष दमोदर गोले, ८ को वडाध्यक्ष राम थापालगायत सल्लाकारहरु, क्षेत्रिय प्रतिनिधि, नगरसदस्यहरुको सहभागिता रहेको थियो ।