१४ वर्षीया बालिका बलात्कृत, एक युवक पक्राउ

काठमाडौं । काठमाडौँमा १४ वर्षीया बालिकालाई जबरजस्ती करणी गरेको आरोपमा प्रहरीले शुक्रबार राति एक युवकलाई पक्राउ गरेको छ । धादिङ सिद्धलेख गाउँपालिका–२ पात्ले घर भई हाल काठमाडौँ महानगरपालिका–१५ भगवानपाउ बस्ने २० वर्षीय सुमन गिरीलाई पक्राउ गरेको हो ।

प्रहरीका अनुसार, गिरीले ती बालिकालाई ललाई फकाई काठमाडौँ महानगरपालिका–१५ स्वयम्भू स्तुपा जङ्गलमा जबरजस्ती करणी गरेको भन्ने खबर प्राप्त हुनासाथ प्रहरी वृत्त स्वयम्भूबाट खटिएको प्रहरीले उनलाई पक्राउ गरेको हो । पक्राउ परेका उनीमाथि आवश्यक अनुसन्धान भइरहेको जनाएको छ ।