बच्चाको हत्या गरेको आरोपमा आमा पक्राउ

सिन्धुपाल्चोक । सिन्धुपाल्चोकमा नवजात शिशुको हत्या गरेको आरोपमा प्रहरीले एक जनालाई पक्राउ गरेको छ । हेलम्बु गाउँपालिका–५ कल्लेरी बस्ने २२ वर्षीया रबिना तामाङलाई प्रहरीले पक्राउ गरेको जिल्ला प्रहरी कार्यालयले जनाएको छ ।

मंगलबार राति साढे ८ बजे रबिनाले छोरालाई जन्माएपछि घाँटी थिचेर हत्या गरेको हो । हत्यापछि घरभन्दा ५० मिटर टाढा रहेको सार्वजनिक खरबारीमा दुई फिट खाडल खनेर उनले शिशुलाई पुरेकी थिइन् ।

शिशुको हत्यापछि पुरेको भन्ने खबर पाएपछि इलाका प्रहरी कार्यालय हेलम्बुबाट खटिएको टोलीले उनलाई पक्राउ गरेको हो । शवको पोष्टमर्टमको लागि अस्पतालमा पठाएको प्रहरीले जनाएको छ । प्रहरीका अनुसार, रबिनाका श्रीमान ३ वर्षदेखि विदेशमा छन् ।