मकवानपुरमा विहान ११ बजेबाट मतगणना हुने

मकवानपुर । मकवानपुरमा आज विहान ११ बजेबाट मतगणना सुरु हुने मुख्य निर्वाचन अधिकृत ऋषिराम निरौलाले जानकारी दिएका छन् ।

मुख्य निर्वाचन अधिकृत निरौला र प्रमुख जिल्ला अधिकारी राजेन्द्रदेव पाण्डे र मकवानपुरका विभिन्न राजनीतिक दलका प्रतिनिधि, स्वतन्त्र उम्मेदवार सम्मिलित बैठकले मतगणना विहान ११ बजेबाट गर्ने सहमति गरेको हो ।

आइतबार मकवानपुरको ३६४ वटै मतदान केन्द्रबाट मतपेटिका संकलन गरी हेटौंडा २ स्थित सिद्धार्थ स्कुलमा ल्याइसकिएको मतगणनाको लागि आवश्यक व्यवस्थापन मिलाइएको मुख्य निर्वाचन अधिकृत निरौलाले बताए ।

सिद्धार्थ स्कुलको मतगणना कक्षमा तारजाली र सिसिटिभी जडान गरिएको छ । ५ सदस्यीय ४ वटा टोलीले एकैपटक मत गणना गर्ने जनाइएको छ ।