हेटौंडा १ (ख) मा श्रेष्ठको अग्रता कायमै, पराजुलीलाई हम्मेहम्मे

हेटौंडा । मकवानपुर प्रतिनिधिसभा क्षेत्र नम्वर १ को प्रदेशसभा (ख) मा हालसम्म ३६ हजार २३३ मत गणना भएको छ । जसमा नेकपा एमालेका एकलाल श्रेष्ठले सबैभन्दा बढी मत पाएका छन् ।

श्रेष्ठले ११ हजार ५८४ मत पाउँदा लोकतान्त्रिक बाम गठबन्धनका आनन्दराम पराजुलीले १० हजार २२८ मत पाएका छन् ।
हालसम्म श्रेष्ठले पराजुलीलाई १ हजार ३५६ मतले पछि पारेका छन् ।

सुरुवातबाटै मतमा पछि परेका पराजुलीलाई राप्रपाका गुन्जनबहादुर न्यौपानेले पनि पछि पारेका थिए । तर, ३० हजारभन्दा बढी मत गणना गर्दा पराजुलीले न्यौपानेलाई उछिनेर दोस्रो स्थानमा पुगेका छन् ।

अब हेटौंडाको २, ६ र १० नम्वर वडाको मतगणना गर्न बाँकी रहेको छ । मतगणना जारी रहेको छ ।