मकवानपुर २ मा ४८४२४ गणना हुँदा बर्तौला १४६६ मतले अगाडि

हेटौंडा । मकवानपुर प्रतिनिधिसभा क्षेत्र नम्वर २ मा नेकपा एमालेका महेशकुमार बर्तौलाले अग्रता कायमै राखेका छन् ।

बर्तौलाले १९ हजार १२३ मत पाउँदा लोकतान्त्रिक बाम गठबन्धनका विरोध खतिवडाले १७ हजार ६५७ मत पाएका छन् । बर्तौला खतिवडाभन्दा १ हजार ४ सय ६६ मतले अगाडि छन् ।

त्यस्तै राष्ट्रिय स्वतन्त्र पार्टीका भरत पराजुलीले ६ हजार ६४४ मत पाएका छन् भने २ हजार २८९ मत बदर भएको छ । सो क्षेत्रमा जम्मा खसेको मत ८६ हजार ६५२ मध्ये हालसम्म ४८ हजार ४२४ मत गणना भएको छ ।