भारी मतान्तरका साथ जनार्दन शर्मा रुकुम पश्चिमबाट निर्वाचित

रुकुम । रुकुम पश्चिममा सरकारका अर्थमन्त्री एवम् माओवादी केन्द्रका उपमहासचिव जनार्दन शर्मा ‘प्रभाकर’ भारी मतान्तरले निर्वाचित भएका छन्। शर्माले आफ्ना प्रतिस्पर्धी नेकपा एमालेका नन्दराम देवकोटालाई २६ हजार ५८८ मतान्तरले पराजित गर्दै निर्वाचित भएका हुन् ।

सो क्षेत्रमा ६० हजार ५६२ मत खसेको थियो । तीमध्ये शर्माको पक्षमा ३९ हजार ५४९ मत र उनका निकटतम प्रतिद्वन्द्वी देवकोटाको पक्षमा १२ हजार ९६१ मत सखेको थियो। यस्तै, शर्मा विरुद्ध उम्मेदवारी दिएका स्वतन्त्र उम्मेदवार तारक केसीले ३ हजार ५६७ मत पाएका छन् ।

यसैगरी, राष्ट्रिय प्रजातन्त्र पार्टीका दिपक कुमार मल्लले ७९६ पाएका छन् । निर्वाचित शर्माको यो चौथो जित हो । यसअघि ०६४,०७०,०७४ मा पनि भारी मतान्तरसहित निर्वाचित भएका थिए ।