बाजुराबाट कांग्रेसका बद्री पाण्डे निर्वाचित
तु खबर संवाददाता२०७९ मंसिर १८,आईतवार ०९:५४
काठमाडौं । बाजुराबाट प्रतिनिधि सभा सदस्य पदमा नेपाली कांग्रेसका सहमहामन्त्री बद्री पाण्डे निर्वाचित भएक छन् । आइतबार बिहान सम्पन्न मतगणना अनुसार, पाण्डेले आफ्नो निकटतम प्रतिस्पर्धी नेकपा एमालेका उम्मेदवार कर्णबहादुर थापालाई पराजित गर्दै प्रतिनिधि सभा सदस्यमा निर्वाचित भएका हुन् ।
पाण्डेले ३१ हजार ७८६ मत प्राप्त गर्दा निकटतम प्रतिस्पर्धी थापाले २६ हजार ३४९ मत प्राप्त गरे । यस्तै, राप्रपाका उम्मेदवार जंग कुमार गिरीले २०७ र स्वतन्त्र उम्मेदवार टेकबहादुर बडुवालले ११४ मत प्राप्त गरेका छन् ।
बाजुराबाट प्रदेश सभातर्फ क्षेत्र नं. १ (१) बाट एकीकृत समाजवादीका नरेशबहादुर शाही र प्रदेश सभा २ बाट नेपाली कांग्रेसका पदमबहादुर शाही निर्वाचित भइसकेका छन् ।