नवलपरासीमा सवारी दुर्घटना हुँदा १७ जना घाइते, दुईको अवस्था गम्भीर

नवलपरासी । नवलपरासी (बर्दघाट सुस्ता पूर्व) नवलपुरमा सवारी दुर्घटना हुँदा १७ जना घाइते भएका छन् । जिल्लाको विनयी त्रिवेणी गाउँपालिका–१ विनयी खोला नजिक आज बिहान ५ बजेको समयमा बस र ट्रक एकापसमा ठोक्किएर दुर्घटना हुँदा १७ जना घाइते भएको प्रहरीले जनाएको छ ।

प्रहरीका अनुसार, बिहान बागलुङबाट भैरहवाका लागि छुटेको लु १ ख ४६७० नम्वरको बस र पश्चिमबाट छुटेको लु २ ख ८९३ नम्वरको ट्रक एकापसमा ठोक्किएर दुर्घटना भएको हो ।

दुर्घटनामा परेर घाइते भएकामध्ये दुई जनाको अवस्था गम्भीर रहेको छ । घाइतेको मध्यविन्दु जिल्ला अस्पताल डण्डामा उपचार भइरहेको छ । उक्त बसमा ३० जना सवार रहेकोमा अन्य यात्रु भने सकुसल रहेका छन् । उक्त, घटनाको बारेमा आवश्यक अनुसन्धान भइरहेको छ ।