दुई किलोग्राम युरेनियमसहित तीन जना पक्राउ

बारा । बाराको पथलैया बिरगंज सडकखण्ड अन्तर्गत जीतपुरस्थित एक होटेलबाट सशस्त्र प्रहरीले दुई किलोग्राम युरेनियमसहित तीन जनालाई पक्राउ परेको छ । जीतपुर सिमरा उपमहानगरपालिका वडा नम्बर ७ को जितपुर स्थित आदित्य होटेलबाट शनिवार साँझ सशस्त्र प्रहरीटोलिले युरेनियमसहित पक्राउ गरेको हो ।

पक्राउ पर्नेहरुमा जीतपुर सिमरा उपमहानगरपालिका–७ का रबि चौधरी, ५ का ३० वर्षीय सागर चौधरी र रौतहट माधव नारायण नगरपालिका २ का २२ वर्षका बृज सहनी रहेका छन् ।

उनीहरुलाई सशस्त्र प्रहरी बल र नेपाल ईन्टेलिजेन्स ब्युरोको विशेष सुचनाका आधारमा सशस्त्र प्रहरी बल १२ नम्बर गण हेक्वा मातहत सशस्त्र बेस क्याम्प जीतपुरको टोलीले युरेनियमसहित पक्राउ गरेको प्रहरीले जनाएको छ ।

युरेनियम जस्तै देखिने बस्तुसहित उनीहरुलाई आवश्यक कारबाहीको लागि नेपाल प्रहरीलाई बुझाइएको सशस्त्र प्रहरी बाराले जनाएको छ ।