हेटौंडामा राप्रपा मकवानपुरको आयोजनामा रक्तदान कार्यक्रम

मकवानपुर । राष्ट्रनिर्माता पृथ्वी नारायण शाहको ३०१ औं जन्म जयन्ती तथा राष्ट्रिय एकता दिवसको अवसरमा बुधबार हेटौंडाको बुद्धचोकमा रक्तदान कार्यक्रमको आयोजना गरिएको छ ।

कार्यक्रम राष्ट्रिय प्रजातन्त्र पार्टी मकवानपुरको आयोजनामा भएको हो । कार्यक्रममा ३५ जनाले रक्तदान गरेकोे राप्रपा मकवानपुरका प्रवक्ता आयुस कुमार डोटेलले जानकारी दिए ।

रक्तसञ्चार केन्द्र हेटौंडाको प्राविधिक सहयोगमा भएको कार्यक्रममा राप्रपा मकवानपुरका अध्यक्ष शिवराम थापाको सभाध्यक्षता एवम् पार्टी केन्द्रीय सदस्य रामबहादुर थोकरको प्रमुख आतिथ्यता रहेको थियो ।

पृथ्वी जयन्तीको अवसरमा आज राप्रपा मकवानपुरको आयोजनामा साँझ दिप प्रज्वलन कार्यक्रम पनि आयोजना हुने जनाइएको छ ।