नेकपा एकीकृत समाजवादीले तोक्यो मकवानपुरका स्थानीय तहको कमाण्डर

मकवानपुर । नेकपा एकीकृत समाजावदी पार्टी मकवानपुरका स्थानीय तहको कमाण्डर तोकिएको छ । पार्टी केन्द्रीय निर्देशन अनुसार, शुक्रबार हेटौंडामा भएको जिल्ला कमिटी बैठकले जिल्लाको १० वटै स्थानीय तहमा संगठन बिस्तारको कामलाई अघि बढाउनका लागि जिम्मेवारी तोकिएको हो ।

पार्टीले संगठन सुद्धिढीकरण अभियानलाई माघदेखि चैत्रसम्म संचालन गर्नका लागि जिल्ला कमिटिका उप–सचिव किशोर टण्डन र कबिन पन्तको टोलीलाई निर्वाचन क्षेत्र नम्बर १ मा तथा उप–सचिव बेगम बराल र किरणमान बलको टोलीलाई निर्वाचन क्षेत्र नम्बर २ को जिम्मेवारी दिँर्दै संगठन बिस्तार तथा जनपरिचालको जिम्मेवारी दिएको छ ।

बैठकले जिल्लामा रहेका दश पालिका तथा जनसंगठनहरुमा अभियानलाई सञ्चालन गर्न संयोजक तथा सदस्यहरु तोकेको छ । पार्टीले अभियानलाई पालिकामा लैजानका लागि बागमतीमा नारायण तिमसिल्ना, बकैयामा कबिन पन्त, मकवानपुर गढीमा कृष्णबहादुर राई, इन्द्रसरोवरमा ध्रुर्वबहादुर भूजेल, थाहा नगरपालिकामा किरणमान बल, भीमफेदीमा किशोर टण्डन, कैलाशमा रामकुमार एलन, राक्सिराङ र मनहरीमा भूमिनन्द अर्याल र हेटौंडा उपमहानगरपालिकामा पार्टी अध्यक्ष बिष्णुप्रसाद दाहाल संयोजक रहेको टोली परिचालन गर्ने निर्णय गरेको हो ।

त्यस्तै, जनबर्गिय संगठनतर्फ युवा संघमा माधब तिमल्सिना, बिद्यार्थिमा अरुण बतौंला, अनेम संघमा बेगम बराल, जनसास्कृतिक मञ्चमा शान्ती प्रिय बन्दनालाई जिम्मेवारी तोकिएको नेकपा एस मकवानपुरका सचिब ध्रुर्वबहादुर भुजेलले जानकारी दिए ।