मकवानपुरका दोङ झुण्डिएको अवस्थामा मृत फेला
तु खबर संवाददाता
मकवानपुर । मकवानपुरको मकवानपुरगढी गाउँपालिका वडा नम्वर ५ आमभञ्ज्याङ (पेटीटोल) मा आज बिहान एक जनाको शव फेला परेको छ । स्थानीय बस्ने पेमा दोङ मृत अवस्थामा फेला परेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
प्रहरीका अनुसार, २२ वर्षीय दोङ बिहान १०ः१० बजेको समयमा आफ्नै घरको सुत्ने कोठाको निदालमा नाम्लोको डोरीको पासो लगाई झुण्डिएको अवस्थामा मृत फेला परेको हो । उक्त घटनाको बारेमा आवश्यक अनुसन्धान भइरहेको जनाइएको छ ।
२१ लाख भारतीय रुपैयाँसहित ३ जना पक्राउ
काठमाडौं । कपिलवस्तु प्रहरीले अवैध भारतीय रुपैयाँसहित तीन जनालाई पक्राउ गरेको छ । प्रहरीले २१ लाख ७ हजार १०० रुपैयाँसहित तीन जनालाई पक्राउ गरेको जनाएको छ ।
पक्राउ पर्नेहरुमा भारतको सिद्धार्थनगर थाना तेतरी बजार ग्राम अनुपनगर घर भई हाल कपिलवस्तुको मायादेवी गाउँपालिका–१ बस्ने २८ वर्षीय हमिद मुसलमान, शुद्धोदन गाउँपालिका–६ बिमिहा बस्ने ३५ वर्षीय राजेश कुमार बर्मा र सोही गाउँपालिका– बस्ने २६ वर्षीय राकेश कुमार बर्मा रहेका छन् ।
पक्राउ परेका उनीहरुलाई आवश्यक कारबाही तथा अनुसन्धानको लागि राजस्व अनुसन्धान कार्यालय बुटवल रुपन्देहीमा पठाइएको प्रहरीले जनाएको छ ।
