फाखेल–सिस्नेरी सडकखण्डमा यातायात अवरुद्ध

मकवानपुर । हेटौंडा–काठमाडौं जोड्ने छोटो दुरीको मार्ग भीमफेदी–कुलेखानी–फाखेल सडकखण्डमा यातायात सेवा अवरुद्ध गरिएको छ । सडक विस्तार तथा स्तरोन्नतीको कार्य भईरहेकाले उक्त सडकखण्डमा यातायात अवरुद्ध गरिएको हो ।

उक्त सडक विस्तार तथा स्तरोन्नतीको क्रममा यातायात सञ्चालन गर्दा दुर्घटनाको जोखिम हुने भन्दै आजबाट तीन हप्तासम्म यातायात सेवा अवरुद्ध गरिएको जिल्ला प्रहरी कार्यालय मकवानपुरले जनाएको छ ।

जिल्ला प्रशासन कार्यालयका अनुसार, उक्त सडकखण्डमा यातायात अवरुद्ध भएसँगै संघीय राजधानी काठमाडौं र हेटौंडा आवतजावतका लागि यात्रुहरु बैकल्पिक मार्गको प्रयोग गरिरहेका छन् ।

बिहानैबाट भीमफेदी–कुलेखानी–मार्खु हुँदै चित्लाङको बाटोबाट हेटौंडा–काठमाडौं रुटका सवारी तथा नीजि सवारी संचालनमा आएको छ भने कान्तिलोकपथ, नारायणगढ–मुग्लिन सडकखण्डमा पनि यातायात सुचारु रहेको छ ।