एसईई दिने ११६ जना नक्कली परीक्षार्थी पक्राउ
तु खबर संवाददाता२०७९ चैत्र २३,बिहीबार १५:४९
काठमाडौं । मोरङमा माध्यमिक शिक्षा परीक्षा (एसइई) दिइरहेका ११६ नक्कली परीक्षार्थी पक्राउ परेका छन् । अरुको नाममा परीक्षा दिइरहेका उनीहरुलाई आज अनुगमन टोलीले विभिन्न परीक्षा केन्द्रबाट पक्राउ गरेको जिल्ला प्रहरी कार्यालय मोरङले जनाएको छ ।
सबैभन्दा बढी सरस्वती मावि ग्रामथानबाट ५२ जना, सार्वजनिक मावि केराबारीबाट ४४ जना र जनता मावि सुन्दरहरैँचाबाट २० जना पक्राउ परेका हुन् ।
अनुगमन टोलीले केराबारी, ग्रामथान र हरैँचाका परीक्षा केन्द्रबाट उनीहरुलाई पक्राउ गरिएको हो । पक्राउ परेका परीक्षार्थीका विषयमा आवश्यक अनुसन्धान भइरहेको जनाइएको छ ।