सभामुख घिमिरे र तीन दलका शीर्ष नेताहरुबीच भेटवार्ता

काठमाडौं । सभामुख देवराज घिमिरे र तीन दलका शीर्ष नेताहरुबीच भेटवार्ता भएको छ । उनीहरुबीच सिंहदरबारस्थित सभामुखको कार्यकक्षमा शनिबार भेटवार्ता भएको हो ।

छलफलमा सभामुखसहित प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा तथा नेकपा एमालेका अध्यक्ष केपी शर्मा ओली रहेका छन् ।

संसद्लाई प्रभावकारी बनाउनका लागि आजको छलफलको आयोजना गरिएको सभामुखका प्रेस सल्लाहकार शेखर अधिकारीले जानकारी दिए ।