‘पार्टी एकताको विषयमा छलफल भइरहेको छ, टुंगोमा पुगेका छैनौँ’

मकवानपुर । नेपाल समाजवादी पार्टीका अध्यक्ष डा. बाबुराम भट्टाराईले नेकपा माओवादी केन्द्रसँग पार्टी एकताको विषयमा छलफल भइरहेको भएता पनि हालसम्म टुंगोमा पुगिनसकेको बताएका छन् ।

आज हेटौंडामा पत्रकारहरुसँग कुराकानी गर्दै डा. भट्टराईले माओवादी केन्द्रसँग चुनावी तालमेल गरिएको भएतापनि पार्टी एकता भने हुने नहुने निक्र्यौल नभएको बताए ।

‘हामी बैकल्पिक राजनीतिक शक्ति बन्ने प्रयासमा छौँ । पुराना दलहरु नयाँ एवम् समाजवादी ढंगले अघि बढ्न तयार भएको अवस्थामा पार्टी एकता हुनसक्छ । माओवादी केन्द्रसँग छलफल भइरहेको छ । तर, टुंगो लागिसकेको छैन ।’ भट्टराईले भने ।