मकालु बेस क्याम्पमा एक पुरुषको मृत्यु

संखुवासभा । संखुवासभाको मकालु गाउँपालिका–२, मकालु बेस क्याम्पमा एक जना पुरुषको मृत्यु भएको छ । मृत्यु हुनेमा जिल्लाको मकालु गाउँपालिका–२ सेदुवाका ४० वर्षीय तुलाराम विष्ट रहेको जिल्ला प्रहरी कार्यालले जनाएको छ ।

विष्टको लेक लागेर शुक्रबार मृत्यु भएको हो । उनको नै मृत्यु भएपनि घटनाका बारेमा आज बिहान ११ बजे मात्रै जिल्ला प्रहरी कार्यालमा जानकारी आएको जनाइएको छ ।

मृतक विष्टले विदेशी टोलीको भरिया काम गर्दै आएका थिए । विष्टको शव मकालु बेस क्याम्पबाट हेलिकप्टरमार्फत सेदुवा ल्याउने तयारी भइरहेको जनाइएको छ ।