उपमहानगरको विकासमा सहयोग गर्न मुख्यमन्त्रीलाई महतको सुझाव

मकवानपुर । नेपाली कांग्रेस मकवानपुरका सचिव भीमसेन महतले हेटौंडा उपमहानगरपालिकाको लागि बागमती प्रदेश सरकार समक्ष सुझावहरु पेश गरेका छन् ।

हेटौंडालाई समृद्ध बनाउने उद्देश्यका साथ सचिव महतले मुख्यमन्त्री शालिकराम जम्मकट्टेललाई विभिन्न योजनाहरु समेटिएको सुझावपत्र पेश गरेका छन् ।

उनले पर्यटन, धार्मिक, जलचर संरक्षण, विभिन्न जंगली जनावरका फार्महरुका बारेमा, फलफूलको शहर, रमणीय क्षेत्रलगायतका ४० वटा योजनाहरु सुझावका रुपमा जानकारी गराएका छन् ।

सचिव महतले आगामी आर्थिक वर्ष २०८०/०८१ वार्षिक बजेटमा यस विषयलाई समावेश गर्न आग्रह गरे । उनले भने,‘यस योजनाले हेटौंडाको पर्यटन क्षेत्रको विकासमा सहयोग पुग्नेछ । पर्यटकीय क्षेत्रमा आवश्यक भौतिक पूर्वाधार विकास गरेको खण्डमा पक्कै पनि छिमेकी राष्ट्र भारतबाट यहाँ पर्यटक भित्रर्नेछन् ।’

यस्तै, सुझाव पत्र बुझ्दै प्रदेशका मुख्यमन्त्री जम्मकट्टेलले प्रदेशको राजधानी मकवानपुरलाई विशेष रुपमा विकास गर्न बजेट विनियोजन गर्ने प्रतिबद्धता जनाए ।

हेटौंडाको पर्यटन क्षेत्रमा लागनी गर्न प्रदेश सरकार तयारै रहेको र यसका लागि आवश्यक अध्ययन हुन जरुरी रहेको उनको भनाई छ । मुख्यमन्त्री जम्कट्टेलले पर्यटन क्षेत्रका लागि आवश्यक पूर्वाधार देखिने गरी विकास गर्ने दृढता व्यक्त गरे ।