कैलाशका महिलालाई जुत्ता बनाउने तालिम

मकवानपुर । मकवानपुरको कैलाश गाउँपालिका वडा नम्वर ९ र १० का महिलाहरुलाई दिइएको मखमलको जुत्ता बनाउने तालिम सम्पन्न भएको छ ।

लालित्य सेवा प्रतिष्ठानद्वारा आयोजना एवम् गाउँपालिकाको आर्थिक सहयोगमा गरिएको १५ दिने तालिम बुधबार सम्पन्न भएको हो ।

तालिम प्रतिष्ठानका अध्यक्ष मुना पाठक कठायतको सभाध्यक्षता तथा गाउँपालिकाका अध्यक्ष लोकबहादुर मुक्तानको प्रमुख आतिथ्यतामा भएको हो ।

रुविना बानियाँले प्रशिक्षण दिएकी तालिममा महिलाहरुको उल्लेख्य सहभागिता रहेको थियो ।

समापन कार्यक्रममा गाउँपालिकाका उपाध्यक्ष बालकुमार मल्ल, वडा नम्बर ९ का वडा अध्यक्ष भुवन सिं घलान, प्रमुख प्रशासकीय अधिकृत अशोक विष्ठ, वडा ९ का निवर्तमान वडाध्यक्ष माणिक लाल मुक्तान, वडा सदस्य गोरीमाया लामा, तालिम प्रशिक्षक रुविना बानियाँ, प्रहरी ईन्चार्ज लक्ष्मण थापा लगायतको आतिथ्यता रहेको थियो ।