मकवानपुरे हास्यव्यङ्यकार आरसी रिजाल सम्मानित
तु खबर संवाददाता
मकवानपुर । मकवानपुरे हास्यव्यङ्ग्यकार आरसी रिजाल सम्मानित भएका छन् । रिजाल डा.गणेशकुमार पौडेल स्मृति हास्यव्यङ्ग्य सम्मान २०८० बाट सम्मानित भएका हुन् ।
सिस्नुपानी नेपाल मकवानपुरले शनिबार आयोजना गरेको स्मृति ग्रन्ध लोकार्पण, सम्मान तथा रचना वाचन कार्यक्रममा रिजाललाई नगद २५ हजार १ रुपैयाँ पुरस्कार राशीसहित सम्मान गरेको हो ।
यसैबीच सम्मानबाट प्राप्त नगद २५ हजार रुपैयाँमा व्यक्तिगत २५ हजार थपेर रिजालले अक्षयकोषलाई नै प्रदान गरेका छन् । उनले नगद ५० हजार रुपैयाँ सिस्नुपानी नेपाल मकवानपुरका कोषाध्यक्ष शुभद्रा हुमागाईलाई हस्तान्तरण गरेका हुन् ।
यस्तै, शनिवार नै सिस्नुपानी नेपाल मकवानपुरद्वारा प्रकाशित सिर्जना र सम्झनामा डा.गणेशकुमार पोडेल किताब लोकार्पण पनि गरिएको छ । सिस्नुपानीका अध्यक्ष राजकुमार लामिछानेको अध्यक्षतामा भएको कार्यक्रममा व्यङ्ग्यकार नरनाथ लुइटेलको प्रमुख आतिथ्यता रहेको थियो ।
कार्यक्रममा सहभागी अतिथिहरुले पौडेलको तस्विरमा माल्यार्पण गरेका थिए ।
