मनहरी सवस्टेशनमा विद्युत् परीक्षण सुरु, शुक्रबारसम्म सम्पन्न गरिने
तु खबर संवाददाता
मकवानपुर । नेपाल विद्युत् प्राधिकारणको मनहरी क्षेत्रभित्र पर्ने सवस्टेशनमा विद्युत् परीक्षण कार्य सुरु गरिएको छ । प्राविधिकरणको प्रविधिक टोलीले सवस्टेशनमा विद्युत् प्रसारण गरी परीक्षण गरेको इन्जिनियर त्रिशक्ति यादवले जानकारी दिए ।
उनका अनुसार, प्राधिकारणले निर्माण गरेको सवस्टेशन हर्दी भण्डारा मार्तल खोलासम्म परीक्षण कार्य भइरहेको र प्रशारणमा कुनै समस्या नआएमा शुक्रबारसम्म परीक्षण कार्य सम्पन्न गर्ने उनले बताए ।
मनहरी गाउँपालिकाले मंगलबार एक सूचना जारी गरी प्राधिकारणको आयोजनाबाट मनहरी गाउँपालिका क्षेत्रभित्र पर्ने लोथर, सुनाचरी, मनहरी बजार हुँदै मनहरी सवस्टेशन गएको ३३ केभी प्रसारण लाइन परीक्षणको लागि विद्युत् चालु गरिने जानकारी गराएको थियो ।
३३ केभी प्रसारण लाइनमा जडान गरिएको पोल, तार, स्टेलगायतका विद्युतीय उपकरणहरु नछुन, घरपालुवा जनावरहरुलाई पोल तथा स्टेमा नबाँध्न तथा आफ्ना बालबच्चाहरुलाई समेत उक्त विषयमा सचेत गराउन सूचनामा भनिएको छ ।
