गोली लागेर एक जना गम्भीर घाइते

जनकपुरधाम । महोत्तरीमा गोली प्रहारबाट एक जना गम्भीर घाइते भएका छन् । घाइते हुनेमा महोत्तरीकै रामगोपालपुर नगरपालिका–१ बसबिट्टी बजारका ४४ वर्षीय श्रवण यादव रहेका छन् ।

प्रहरीका अनुसार, स्थानीय ३८ वर्षीय कौशल मण्डलले चलाएको दुई राउराण्ड गोलीले लागेर यादव घाइते भएका हुन् ।

मंगलबार साँझ सामान्य विवादको क्रममा मण्डलले यादवमाथि गोली प्रहार गरेका थिए । यादवको कन्चट र दाहिने कुमको माथि गोली लागेको छ ।

गम्भीर घाइते उनलाई रामगोपालपुरकै जानकी एकेडेमीक हस्पिटल उपचारपश्चात थप उपचारको लागि जनकपुरको जानकी हेल्थकेयरमा लगिएको छ ।

गोली प्रहार गर्ने मण्डल र उनले प्रयोग गरेको पेस्तोल, गोलीको खोका तीन थानसहित नियन्त्रणमा लिई घटनाको विषयमा आवश्यक अनुसन्धान गरिरहेको जनाइएको छ ।