बागमती प्रदेश सभाको दोस्रो बैठक जारी

मकवानपुर । बागमती प्रदेश सभाको बुधबारको दोस्रो बैठक हाल जारी छ । अपराह्न ३ः३० बजे बस्ने भनिएको प्रदेश सभा आधा घण्टा ढिला गरी केही बेरअघि सुरु भएको हो ।

उक्त बैठकमा आर्थिक वर्ष २०८०–०८१ को सेवा र कार्यको लागि प्रदेश सञ्चित कोषबाट केही रकम विनियोजन र खर्च गर्ने सम्बन्धमा व्यवस्था गर्न बनेको विधेयक २०८० को छलफलको क्रममा उठेका प्रश्नको जवाफ दिने कार्यसूची रहेको सभामुख भुवनकुमार पाठकले जानकारी दिए ।

यसअघि आजै बसेको प्रदेश सभाको पहिलो बैठकमा उक्त विधेयकमाथि छलफल भएको थियो ।