पर्साबाट पक्राउ परे हेटौंडाका राई

पर्सा । पर्साको वीरगंज महानगरपालिका–१६ रजतजयन्ति चोकबाट प्रहरीले अवैध लागूऔषध खैरो हेराईनसहित एक जनालाई पक्राउ गरेको छ ।

पक्राउ पर्नेमा मकवानपुरको हेटौंडा उपमहानगरपालिका वडा नम्वर ८, कमाने बस्ने २९ वर्षीय राजु राई रहेका छन् । उनलाई करिब १ ग्राम लागूऔषध खैरो हेराईनसहित मंगलबार साँझ पक्राउ गरेको प्रहरीले जनाएको छ ।

राईलाई लागूऔषध नियन्त्रण ब्यूरो शाखा कार्यालय वीरगंज र प्रहरी चौकी ईनार्वाबाट खटिएको प्रहरी टोलीले पक्राउ गरेको हो । पक्राउ परेका उनीमाथि प्रहरीले आवश्यक अनुसन्धान गरिरहेको जनाइएको छ ।