मनाङ एयरको हेलिकप्टर दुर्घटना, ५ जनाको शव फेला

काठमाडौं । मनाङ एयरको ९–एन–एमभी कलसाइन भएको हेलिकप्टर आज बिहान सोलुखुम्बुको लिखुपिके गाउँपालिका–५ स्थित लम्जुराडाँडामा दुर्घटनाग्रस्त भएको छ ।

सोलुबाट कठमाडौंका लागि उडेको हेलिकप्टर दुर्घटना भएको पुष्टि भएको कोशी प्रदेशका डिआईजी राजेशनाथ बास्तोलाले जानकारी दिए ।

उनका अनुसार, हाल घटनास्थलमा ५ जनाको शव जलेको अवस्थामा फेला परेको परेको छ । हेलिकप्टरमा सवार एक जनाको अवस्था अज्ञात छ ।

अहिले दुर्घटनास्थल नजिकै दुई वटा हेलिकप्टर उद्धारका लागि पुगेको र उनको खोजी कार्य जारी रहेको जनाएको छ ।

यात्रुहरु सबै विदेशी नागरिक हुन ।