एक जना पुरुष मृत अवस्थामा फेला

ढोरपाटन । बागलुङमा आज बिहान एक जना पुरुष मृत अवस्थामा फेला परेका छन् । जिल्लाको गलकोट नगरपालिका–५ भैँसेस्थित खरबारीमा एक जना पुरुष मृत अवस्थामा फेला परेको प्रहरीले जनाएको छ ।

उक्त शव ताराखोला गाउँपालिका–५ सानो हिलेका ४० वर्षीय झलिराम पुन मगरको रहेका छन् । आज बिहान ८ बजे खरबारीको बाटो नजिकै स्थानीयले शव देखेपछि प्रहरीलाई खबर गरेका थिए ।

प्रहरीका अनुसार, मृतक पुन श्रीमतीसँगै गलकोट नगरपालिका–३ हटियामा डेरा गरी बस्दै आएका थिए । पुन मगरले मदिरा सेवन गरेर भिरबाट लडेको हुनसक्ने आशङ्का गरिएको भएपनि पुष्टि भएको छैन ।

मृतक पुनको शव प्रहरी र स्थानीयको रोहवरमा परीक्षणका लागि गलकोट नगर अस्पतालमा लगिएको र घटनाको बारेमा आवश्यक अनुसन्धान गरिरहेको जनाइएको छ ।