बरामद गरिएको सुन प्रत्यक्ष प्रसारण गरेर गाल्ने तयारी
तु खबर संवाददाता२०८० श्रावण ११,बिहीबार १८:१८
काठमाडौं । त्रिभुवन अन्तर्राष्ट्रिय विमानस्थलबाट बरामद गरिएको सुन प्रत्यक्ष प्रसारण गरेर गाल्ने तयारी गरिएको छ । गत साउन ३ गते बरामद गरिएको उक्त सुन प्रत्यक्ष प्रसारण गरेर गाल्ने तयारी गरिएको हो ।
राजस्व अनुसन्धान विभागको टोलीले साउन ३ मा साँझ त्रिभुवन विमानस्थल भन्सार गेट बाहिरबाट करिब १ सय किलो सुन बरामद गरेको थियो । राजस्व अनुसन्धान विभागले बरामद ८ पोका सुन राष्ट्र बैङ्कको टक्सार महाशाखामा पठाएको छ ।
उक्त सुन प्रत्यक्ष प्रसारण गरेर सुन गाल्नेबारे छलफल भइरहेको राजस्व अनुसन्धान विभागका सूचना अधिकारी नवराज अधिकारीले जानकारी दिए ।