विदेशबाट ५७ करोड ८३ लाखको सिरिञ्ज आयात

काठमाडौं । गत आर्थिक वर्षमा नेपालमा विभिन्न मुलुकबाट ५७ करोड रुपैयाँभन्दा धेरैको सिरिञ्ज आयात भएको छ ।

भन्सार विभागको तथ्यांकअनुसार आर्थिक वर्ष २०७९/०८० मा ५७ करोड ८३ लाख रुपैयाँभन्दा धेरैको सिरिञ्ज आयात भएको हो ।

तथ्यांकअनुसार उक्त अवधिमा ६ करोड ३७ लाख १० हजार वटा सिरिञ्ज भित्रिएका छन् भने आयातकर्ताले राज्यलाई २ करोड ४७ लाख रुपैयाँ राजश्व बुझाएका छन् ।

नेपालमा विश्वका १९ वटा देशबाट सिरिञ्ज आयात हुने गरेको छ ।