पूर्वी मकवानपुरको बागमतीमा ६ घर डुवानमा

मकवानपुर । मकवानपुरको पूर्वी भेगमा पर्ने बागमती गाउँपालिका वडा नम्वर ४, झुरझुरेमा आज बिहान बागमती खोलाको बाढी पसेर ६ घर डुवानमा परेको छ ।

खोलाको बाढी पसेर ६ घर डुवानमा परेको इलाका प्रहरी कार्यालय फापरबारीका वरिष्ठ प्रहरी नायव उपरीक्षक अर्जुन देवकोटाले जानकारी दिए ।

उनका अनुसार, डुवानमा परेका स्थानीयहरुको उद्दार गरी सुरक्षित स्थानमा राखिएको छ । साथै उक्त बाढीले प्रभावित हुने गाउँवस्तिमा छुट्टै प्रहरी टोलीहरु पनि परिचालन गरिएको छ ।

बाढीले क–कस्को घर डुवानमा परेको भन्ने नखुलेको र घटनाको बारेमा आवश्यक अनुसन्धान भइरहेको वरिष्ठ प्रहरी नायव उपरीक्षक देवकोटाले बताए ।