रोल्पामा बस दुर्घटना हुँदा तीन जना गम्भीर घाइते

दाङ । रोल्पामा मंगलबार बस दुर्घटना हुँदा तीन गम्भीर घाइते भएका छन् । जिल्लाको त्रिवेणी गाउँपालिका– ७ मा तिलाबजार नजिकै बस दुर्घटना हुँदा तीन जना घाइते भएको प्रहरीले जनाएको छ ।

प्रहरीका अनुसार, दुर्घटनामा परेर दुई जना पुरुष र एक जना महिला गरी तीन जना गम्भीर घाइते भएका हुन् । घाइते उनीहरुलाई रोल्पाकै रेउघास्थित स्वास्थ्य चौकीमा पठाइएको छ ।

बागमाराबाट दाङको घोराहीतर्फ आउँदै गरेको ना ५ ख २६१२ नम्बरको बस सडकदेखि करिब १ सय मिटर तल खसेको छ । अन्य घाइतेको उद्धार कार्य भइरहेको छ ।

बसमा करिब १० जना सवार रहेको र उनीहरुलाई सामान्य चोटपटक लागेको रोल्पा प्रहरीले जनाएको छ । उक्त घटनाबारे थप विवरण आउन बाँकी रहेको जनाइएको छ ।