त्रिवि सेवा आयोगका अध्यक्षद्वारा पदभार ग्रहण

काठमाडौं । एक वर्षपछि नियुक्त भएका त्रिवि सेवा आयोगका अध्यक्ष प्रा.डा.घनश्याम भट्टराईले पदभार ग्रहण गरेका छन् । भट्टराईले कीर्तिपुरस्थित त्रिवि सेवा आयोगको कार्यालयमा पुगेर पदभार ग्रहण गरेका हुन् ।

त्रिविका कुलपति समेत रहेका प्रधानमन्त्री पुष्पकमल दाहाल (प्रचण्ड) ले त्रिवि सेवा आयोगको अध्यक्षमा भट्टराईलाई नियुक्त गरेका थिए ।

शिक्षा, विज्ञान तथा प्रविधिमन्त्री समेत रहेका त्रिविका सहकुलपति अशोककुमार राई नेतृत्वको सिफारिस समितिले सेवा आयोगको अध्यक्षका लागि ३ जनाको नाम सिफारिस गरेको थियो । सोही आधारमा भट्टराईलाई नियुक्त गरिएको हो ।

तत्कालीन अध्यक्ष लालुप्रसाद पौडेलको कार्यकाल २०७९ साउन १८ गते सकिएको थियो । अध्यक्षको कार्यकाल सकिएदेखि उक्त पद रिक्त थियो ।