प्रधानन्यायाधीश पदमा श्रेष्ठको नाम अनुमोदन

काठमाडौँ । प्रधानन्यायाधीश पदमा संसदीय सुनुवाइ समितिले विश्वम्भरप्रसाद श्रेष्ठको नाम सर्वसम्मतीले अनुमोदन गरेको छ ।

सिंहदरबार स्थित संघीय संसद सचिवालयमा भएको सुनुवाइपछि श्रेष्ठको नाम सर्वसम्मतीले अनुमोदन भएको हो ।

श्रेष्ठको नाम प्रधान न्यायाधीश पदका लागि अनुमोदन भएको समितिको अध्यक्षता गरेका जेष्ठ सदस्य पशुपति शमशेर जबराले सञ्चारकर्मीहरुलाई जानकारी दिएका छन् ।

त्यसअघि सुनुवाइका लागि पुगेका श्रेष्ठलाई सांसदहरुले विभिन्न प्रश्न गरेका थिए ।

सांसदहरुले श्रेष्ठलाई सर्वोच्च अदालतबाट प्रधानन्यायाधीशमा सिफारिस भएकाहरुले एउटै कार्ययोजना प्रस्तुत गर्ने गरेको विषयमा प्रश्न राखेका थिए ।

सुनुवाइका क्रममा श्रेष्ठले आफूले अदालतमा विचौलिया नियन्त्रणका लागि काम गर्ने बताएका थिए ।

सुनुवाइ समितिबाट अनुमोदित श्रेष्ठले अब राष्ट्रपतिबाट सपथ लिने जनाइएको छ ।