काठे पुल भाँचिदा युवक बेपत्ता

धनगढी । बाजुरामा काठे पुल भाँचिदा एक युवक बेपत्ता भएका छन् । बेपत्ता हुनेमा बूढीनन्दा नगरपालिका–३ लौठारुख का २७ वर्षीय गंग लुहार रहेका छन् ।

जिल्लाको घोडाकोट खोलामा रहेको काठे पुल भाँचिदा खसेर लुहार बेपत्ता भएको प्रहरीले जनाएको छ ।

प्रहरीका अनुसार, काठेपुलबाट भैंसी र पाडो तार्ने क्रममा अचानक भाँचिन गई भैंसी र पाडोसहित लुहार खोलामा खसेर बेपत्ता भएका थिए ।

भैसी जिउँदै अवस्थामा किनारमा फेला परेको छ भने गंगको खोजतलास भइरहेको छ ।