अझै भेटिएनन् डोल्पाका गुल्मपति पण्डित

काठमाडौं । १२ दिनदेखि बेपत्ता रहेका डोल्पाका नेपाली सेनाका गुल्मपति विमल पण्डित अझै भेटिएका छैनन् ।

गत भदौ १० गतेदेखि बेपत्ता रहेका दुनै, नन्द बक्स गुल्मका गुल्मपति पण्डित अझै सम्पर्कविहीन छन् ।

काठमाडौंको कागेश्वरी मनोहरा नगरपालिका, डाँछी निवासी पण्डित अझै सम्पर्कबिहीन रहेको डोल्पाका जिल्ला प्रहरी प्रमुख डिएसपी शिव बुढाथोकीले बताए ।

उनका अनुसार, गुल्मपति पण्डित भदौ १० गते अपराह्न ४ः५५ बजे साथीसँगै घुम्न निस्किएका थिए । साथीलाई बाटैबाट फर्काएर सम्पर्कविहीन भएका थिए ।

उनको मोबाइलको अन्तिम लोकेसन ब्यारेकबाट एक घन्टाको दुरीमा रहेको त्रिपुराकोट देखाएको छ । उनको खोजीकार्य जारी रहेको जनाइएको छ ।