महाकाली नदीमा हाम फालेका एक पुरुष बेपत्ता
तु खबर संवाददाता२०८० भाद्र २८,बिहीबार १६:४७
धनगढी । दार्चुलामा महाकाली नदीमा हाम फालेका एक पुरुष बेपत्ता भएका छन् ।
जिल्ला सदरमुकाम खलंगास्थित नेपाल–भारत जोड्ने झोलुङ्गे पुलबाट बिहीबार बिहान महाकाली नदीमा हाम फालेका एक पुरुष बेपत्ता भएको प्रहरीले जनाएको छ ।
बेपत्ता हुनेमा महाकाली नगरपालिका–१ को लास्कु बस्ने ४५ वर्षीय ज्ञानीराम भुल रहेका छन् । बिहान भारत जान्छु भन्दै झोलुङ्गे पुलबाट पारीपट्टि पुगेका भुलले फर्किएर पुलको बिच भागबाट नदीमा हाम फालेको प्रहरीले जनाएको छ ।
बेपत्ता उनको नेपाल प्रहरी र सशस्त्र प्रहरीको टोलीले खोजी कार्य गरिरहेको जनाइएको छ ।