आजदेखि देशभरका विद्यालयमा पठनपाठन बन्द हुने

काठमाडौं । शिक्षकहरूको आन्दोलनका कारण आजदेखि देशभरका विद्यालयमा पठनपाठन बन्द हुने भएको छ । विद्यालय शिक्षा विधेयकमाथि आपत्ति जनाउँदै शिक्षकहरू आन्दोलनका लागि काठमाडौंमा गएसँगै विद्यार्थीहरूको पठनपाठन प्रभावित बन्ने भएको हो ।

नेपाल शिक्षक महासंघको नेतृत्वमा देशभरका शिक्षक, कर्मचारीहरू आन्दोलनका लागि काठमाडौं गएका छन् । हिजो संविधान दिवसको अवसरमा सरकारले सार्वजनिक विदा दिएको थियो । आजदेखि अनिश्चितकालसम्मका लागि देशभरका सामुदायिक विद्यालय बन्द हुन लागेको हो ।

आन्दोलनको पहिलो दिन हिजो ७० हजारको हाराहारीमा शिक्षकहरु प्रदर्शनमा उत्रिएका थिए । यो संख्या आज झन बढ्ने जनाइएको छ ।