एमाले बागमती अधिवेशन : नयाँ नेतृत्वको लागि आज मतदान

काठमाडौं । नेकपा एमाले बागमती प्रदेशको अधिवेशन अन्तरगत नयाँ नेतृत्वको लागि आज मतदान हुँदैछ ।

ललितपुरको च्यासलस्थित पार्टी केन्द्रीय कार्यालयमा जारी अधिवेशनमा संशोधित कार्यतालिका अनुसार आज मतदान हुने भएको हो ।

एमाले नेतृत्वले सहमतिमै प्रदेश कमिटी चयन गर्न गरेको प्रयास असफल भएपछि आकाङ्क्षीहरूले उम्मेदवारी दर्ता गरेका हुन् ।

अध्यक्षमा पाँच जनाले उम्मेदवारी दर्ता गरे पनि कैलाश ढुङ्गेल र कृष्ण दाहालबाहेक अन्यले उम्मेदवारी फिर्ता लिइसकेका छन् ।