एमाले बागमती अधिवेशन: उम्मेदवारको अन्तिम नामावली सार्वजनिक

काठमाडौं । नेकपा एमाले बागमती प्रदेश कमिटीको नयाँ नेतृत्वका लागि उम्मेदवारहरूको अन्तिम नामावली सार्वजनिक गरिएको छ । उम्मेदवारको अन्तिम नामावली बिहीबारको मितिमा शुक्रबार बिहान सार्वजनिक गरिएको हो ।

सार्वजनिक अन्तिम नामावली अनुसार, एमाले बागमतीको अध्यक्षमा दुई जनाबीच प्रतिस्पर्धा हुनेछन् । जसमा मकवानपुरका कृष्णप्रसाद दाहाल र रामेछापका कैलाश ढुङ्गेल रहेका छन् ।

त्यसैगरी, एक उपाध्यक्ष पदका लागि ईश्वरचन्द्र पोखरेल, दावा दोर्जे लामा, नारायणप्रसाद खतिवडा र राजेन्द्र राजथला गरी चार जनाबीच प्रतिस्पर्धा हुनेछन् ।

प्रदेश सचिवमा नवराज सिलवाल र हस्तबहादुर पण्डितबीच चुनाव हुने भएको छ । दुई उपसचिवका लागि १० जनाले प्रतिस्पर्धा गर्ने भएका छन् ।

आज बिहान ८ बजेबाट मतदान सुरु गर्ने भनिए पनि उम्मेदवारको सूची प्रकाशित गर्न ढिला भएपछि अव सम्भवतः ११, १२ बजेपछि मात्र मतदान सुरु हुने निर्वाचन समितिले जनाएको छ ।