डोजर दुर्घटनामा परेर युवकको ज्यान गयो
तु खबर संवाददाता२०८० आश्विन १५,सोमबार ०९:०२
दाङ । रोल्पामा डोजर दुर्घटना हुँदा एक जनाको ज्यान गएको छ । ज्यान गुमाउनेमा दाङको राप्ती गाउँपालिका–३ मसुरीयाका २२ वर्षीय अृमत चौधरी रहेका छन् ।
दाङबाट रोल्पा लिबाङ जाँदै गरेको रा १ ज ११८७ नम्बरको जेसीबी आइतबार साँझ रोल्पा नगरपालिका–१ भदौरे मन्दिर नजिकै घुम्तीमा दुर्घटना भएको रोल्पा प्रहरीले जनाएको छ ।
प्रहरीका अनुसार, दुर्घटनामा परेर चौधरीको घटनास्थलमै मृत्यु भएको हो । मृतक चौधरी डोजरका सह–चालक हुन् ।
प्रहरीले जेसीबी चालक २५ वर्षीय सोही ठाउँ बस्ने सुमन चौधरीलाई नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।
