नेपाली सेनाको ट्रकले ठक्कर दिँदा शर्माको मृत्यु
तु खबर संवाददाता२०८० आश्विन १९,शुक्रबार ०९:१६
काठमाडौं । काठमाडौंको रत्नपार्क मोडमा नेपाली सेनाको ट्रकले ठक्कर दिँदा एक स्कुटर चालकको मृत्यु भएको छ ।
मृत्यु हुनेमा काठमाडौं महानगरपालिका–१३ ताहचल घर भएकी आकृति शर्मा रहेको प्रहरीले जनाएको छ ।
प्रहरीका अनुसार, नेपाली सेनाको प्र.३०१–००१ ग ३७०५ नम्बरको ट्रकले ठककर दिँदा शर्माको मृत्यु भएको हो ।
प्रहरीले ट्रक चालक नेपाली सेनाका हवल्दार मोहम्मद नुर रयानदेबानलाई नियन्त्रणमा लिई घटनाको बारेमा आवश्यक अनुसन्धान गरिरहेको जनाएको छ ।
उनलाई प्रहरी वृत्त सिंहदरबारमा राखिएको छ । उक्त घटनाको बारेमा प्रहरीले आवश्यक अनुसन्धान गरिरहेको जनाएका छ ।
