हेटौंडामा जिल्लास्तरीय तेक्वान्दो प्रतियोगिता सम्पन्न

मकवानपुर । मकवानपुर जिल्ला तेक्वान्दो संघको आयोजनामा १६ औं जिल्लास्तरीय तेक्वान्दो प्रतियोगिता सम्पन्न भएको छ । प्रतियोगिता हेटौंडा–४ स्थित बहुउद्देश्यीय कभर्ड हलमा सम्पन्न भएको हो ।

प्रतियोगितामा जिल्लाभरका २१ वटा डोजाङबाट ३०० खेलाडीहरुले सहभागीता जनाएका थिए । प्रतियोगितामा पुरुषतर्फ २० केजीदेखि ६२ केजी तौलसम्म तथा महिलातर्फ २० केजीदेखि ५८ केजी तौल समूहमा प्रतिस्पर्धा भएको थियो ।

प्रतियोगिताको प्रथम जनज्योती तेक्वान्दो डोजाङ, दोस्रो कर्रा तेक्वान्दो डोजाङ र तेस्रो मकवानपुर तेक्वान्दो डोजाङ भएका छन् । प्रतियोगिताको प्रथम, दोस्रो र तेस्रो भएका समूहले शिल्ड प्राप्त गरे ।

यस्तै, प्रतियोगिताको महिलातर्फ २० केसी तौल समूहमा नामटार तेक्वान्दो डोजाङको सन्जिता घिमिरे, ४० देखि ४५ केसी तौल समूहमा जनज्योती तेक्वान्दो डोजाङको सृजना कुवँर उत्कृष्ट खेडाली घोषित भएका थिए ।

यस्तै, पुरुषतर्फ ३२ देखि ३६ तौल समूहका इन्द्रसरोवर तेक्वान्दो डोजाङको पेम्बा लामा र ५८ देखि ६२ केसी समूहका कर्रा डोजाङका अमन माझी उत्कृष्ट खेलाडी घोषित भए ।

उत्कृष्ट खेलाडीहरुलाई हेटौंडा उपमहानगरपालिकाकी प्रमुख मीनाकुमारी लामाले एक वर्षको स्कलरसीप दिने बताइन् ।

साथै सो क्रममा उनले तेक्वान्दो संघको कार्यसमितिलाई ५ लाख रुपैयाँ बराबरको सामान हस्तान्तरण हस्तान्तरण गरिएकी थिइन् ।

सो क्रममा जिल्ला तेक्वान्दो कार्य समितिले रातो समाचार डटकम अनलाइनका सम्पादक तथा सञ्चारकर्मी राजेश थापा गरिबलाई नगदसहित सम्मान पनि गरेको थियो ।