अवैध गाँजासहित मकवानपुरका थिङ पक्राउ

मकवानपुर । महोत्तरीको जलेश्वर नगरपालिका–१ स्थित सडकबाट प्रहरीले बिहीबार अवैध लागूऔषध गाँजासहित मकवानपुरका एक जनालाई पक्राउ गरेको छ ।

पक्राउ पर्नेमा मकवानपुरको थाहा नगरपालिका–२ बस्ने २२ वर्षीय विशाल थिङ रहेका छन् । उनलाई अस्थायी प्रहरी पोष्ट नगरपालिकाबाट खटिएको प्रहरीले ४ सय ५ किलो गाँजासहित पक्राउ गरेको हो ।

प्रहरीका अनुसार, जलेश्वरबाट बखरीतर्फ जाँदै गरेको ना.६ ख ७३७४ नम्बरको ट्रकलाई जाँच गर्ने क्रममा २७ वटा पोकामा लुकाइ छिपाई राखेको उक्त परिमाणको गाँजा फेला पारी ट्रकका सह–चालक थिङलाई पक्राउ गरिएको छ ।

ट्रक चालक भने फरार रहेको र उनको खोजी कार्य भइरहेको महोत्तरी प्रहरीले जनाएको छ ।