हेटौंडा साइकल रनको उपाधी थापाले हात पारे

मकवानपुर । हेटौंडा साइकल रन दोश्रो संस्करण २०८० को उपाधी आशिष थापा मगरले हात पारेका छन् ।

हेटौंडा उपमहानगरपालिकाको आयोजनामा शनिबार सम्पन्न उक्त प्रतियोगिताको उपाधि हेटौंडा–६ निवासी थापाले उपाधी हात पारेका हुन् । उनले नगद ५० हजार रुपैयाँ पुरस्कार राशीसहित उपाधी प्राप्त गरे ।

यस्तै, प्रतियोगिताको दोस्रो र तेस्रो स्थानमा हेटौंडा–६ का हरेराम राई र हेटौंडा–२ का विबेक सिं मोक्तान भए । उनीहरुले क्रमश ः २० हजार रुपैयाँ र ३० हजार रुपैयाँ प्राप्त गरे ।

हेटौंडा–४ का राजिव ठाकुर र प्रदिप थापाले प्रोत्साहन पुरस्कार स्वरुप जनही ५/५ हजार रुपैयाँ हात पारे । यसैगरी, प्रतियोगितामा सहभागि भएका महिलाहरुले प्रोत्साहन स्वरुप २/२ हजार रुपैयाँ पुरस्कार प्राप्त गरेका थिए ।

हेटौंडा–४ हुप्रचौरबाट सुरु भएको साईकल रन कान्तिलोकपथ हुँदै शिवम सिमेन्ट रोड, हेटौंडा–फापरवारी सडक हुँदै नागश्वती, कमाने, गर्दोही हुँदै हुप्रचौरमा आइपुगेको थियो ।

कार्यक्रम नगर प्रमुख मिनाकुमारी लामाको सभाध्यक्षता एवम् जिल्ला समन्वय समितिका प्रमुख ललित घलानको प्रमुख आतिथ्यतामा भएको हो ।

कार्यक्रममा हेटौंडा–१ का वडाध्यक्ष सविन न्यौपाने, हेटौंडा– १४ का वडाध्यक्ष दिपक खड्का, नगर खेलकुद विकास समितिमा पुर्व अध्यक्ष चन्द्र शाहीको आतिथ्यता रहेको थियो ।