एकीकृत समाजवादीका वरिष्ठ नेता खनाल चीन प्रस्थान
तु खबर संवाददाता२०८० आश्विन २९,सोमबार ०९:१९
काठमाडौं । पूर्वप्रधानमन्त्री एवम् नेकपा एकीकृत समाजवादीका वरिष्ठ नेता झलनाथ खनाल चीन प्रस्थान गरेका छन् ।
चीनको बेइजिङमा आयोजना हुने तेस्रो बेल्ट एण्ड रोड फोरम (बीआरएफ) मा सहभागी हुन उनी आइतबार राति चीन प्रस्थान गरेको नेकपा एकीकृत समाजवादीले जनाएको छ ।
पार्टीका केन्द्रीय विदेश विभाग सचिव डा. शङ्कर खतिवडाका अनुसार, पूर्वप्रधानमन्त्री खनालले अक्टोबर १८ मा आयोजना हुने तेस्रो ‘बीआरएफ’ फोरमलाई पनि सम्बोधन गर्ने कार्यक्रम रहेको छ ।
चीनमा रहँदा नेता खनालले चिनियाँ कम्युनिष्ट पार्टीका नेताहरु साथै सो कार्यक्रमका लागि विभिन्न मुलुकबाट आउने नेताहरुसँग पनि भेटघाट गर्ने कार्यक्रम रहेको छ ।
उनी यही अक्टोबर २२ मा स्वदेश फर्कने कार्यक्रम रहेको विभाग प्रमुख अतिवडाले बताए ।