कांग्रेस मकवानपुरद्वारा शुभकामना आदानप्रदान
तु खबर संवाददाता
मकवानपुर । नेपाली कांग्रेस मकवानपुरले सोमबार हेटौंडामा नेपालीहरुको महान चाडपर्व बिजया दशमी, शुभ दिपावली, नेपाल सम्वत एवम् छठ पर्वको अवसरमा शुभकामना आदानप्रदान एवम् चियापान कार्यक्रमको आयोजना गरेको छ ।
कार्यक्रम कांग्रेस मकवानपुरका सभापति बुद्ध लामाको सभाध्यक्षता तथा कांग्रेस बागमती प्रदेश संसदीय दलका नेता इन्द्रबहादुर बानियाँको प्रमुख आतिथ्यतामा भएको हो ।
कार्यक्रममा बागमती प्रदेश सामाजिक विकास मन्त्री कुमारी मोक्तान, जिल्ला समन्वय समिति (जिसस) मकवानपुरका प्रमुख ललितबहादुर घलान, उपप्रमुख सानुकाँजी लुईटेलको आतिथ्यता रहेको थियो ।
कार्यक्रममा नेकपा एमाले, नेकपा माओवादी, नेकपा एकीकृत समाजपादी, राष्ट्रिय प्रजातान्त्रिक पार्टी र राष्ट्रिय स्वतन्त्र पार्टीलगायत लगायत विभिन्न राजनीतिक दलहरुका जिल्ला अध्यक्ष, हेटौंडाको विभिन्न वडाका वडाध्यक्ष, कांग्रेसको भातृ संस्थाका प्रतिनिधिहरुलगायत संचारकर्मीहरुको सहभागिता रहेको थियो ।
